Нийгэм
Артек зусланд амрах монгол хүүхдүүдийн тоог нэмэгдүүлнэ
Огноо: 3-10
Нийтлэгч: read.mn

 

Олон улсын хүүхдийн "Найрамдал" цогцолбор, ОХУ-ын “Артек” төвтэй хамтарч ажиллах хэлэлцээрт гарын үсэг зурах ёслол өнөөдөр БСШУСЯ-нд боллоо.

“Артек" төвийн боловсрол хариуцсан дэд захирал Денисов Антон Анатольевич хэлэлцээрийн үеэр "Манай төв 150 гаруй орны хүүхдүүдийг хүлээн авч амраадаг. Өнгөрсөн онд Монгол Улсаас 59 хүүхдийг хүлээн авч амраасан. Цаашдаа амрагчдын тоог нэмэгдүүлэх, хамтын ажиллагаагаа шинэ шатанд гаргахад энэхүү хэлэлцээр ихээхэн ач холбогдолтой байх нь дамжиггүй. Манай төвд монгол хүүхдүүд очиж амарснаар орос хэл сурах боломжоор хангагдах төдийгүй амрах хугацаандаа сурсан мэдсэн бүх зүйл нь хүүхдүүдийн ирээдүйн амьдралд чухал үүрэг гүйцэтгэх болов уу гэж боддог" гэжээ.

"Найрамдал" цогцолборын дэд захирал Б.Отгонбат, “Хэлэлцээрийг байгуулснаар монгол хүүхдүүдийг ОХУ болон цаашлаад гуравдагч орны зуслангуудад амраах, хоёр орны хамтарсан хурлыг зохион байгуулах, мөн жил бүр 2-5 бүлгийн удирдагчийг харилцан солилцох, туршлага судлуулах зэрэг ажлыг хийх юм. “Артек” зусланд гэхэд монгол хүүхдүүд 4-5 ээлжинд амрах бөгөөд хүүхдийн тоо заагаагүй. Зуны ээлж нь нийтдээ 21 хоногийн хугацаатай. Харин амрах хүүхдүүд тээврийн зардлаа өөрсдөө хариуцах бөгөөд бусад зардлыг хэлэлцээрт тусгагдсанаар хүлээн авагч тал хариуцна” хэмээн ярилаа.

Эх сурвалж: БСШУЯ

Сэтгэгдэл байхгүй байна

Сурталчилгаа